1 de Xuño de 2013: III Foliada de Orbazai. Organiza a Asociación Cultural Airiños de Orbazai e colaboran todos eses logos que vemos pé do cartel. A Comunidade de Montes de Orbazai merece, se cadra, unha mención especial por ser o primeiro apoio que tivemos nos nosos comezos cando solicitamos facer de aquela ilusión nacente, un proxecto sólido.
Para eles estas verbas porque, dalgún xeito, todos somos Xanares, todos somos carballeira, sufixo colectivo a terminación -eira que nos fai, en man común -tocando, cantando-, comunidade.
Á Comunidade de Montes
de Orbazai
de Orbazai
Xanares, reloce
en ti
o verde leira que
tes
detrás do balado,
inauguración de
savia nova.
Os carballos que
en ti
ficaron
serán coas súas
ramas
ouvidos
pra música que ha
de soar
na honra a todos
os que un día
recolleron a
folla da túa carballeira.
Somos pobo,
temos memoria
e queremos futuro
no (ar)riscado da
nosa man.
*Publicado orixinariamente en Outubro do 2012.
Nenhum comentário:
Postar um comentário